१८ मंसिर काठमाडौँ । सिद्धार्थ बैंक नेपाल प्रिमियर लिग (एनपिएल) मा सुदूरपश्चिम रोयल्सले विराटनगर किंग्सलाई जितको लागि १८३ रनको लक्ष्य दिएको छ ।
एनपिएलको चौथो खेलमा विराटनगरलाई सुदूरपश्चिमले १ सय ८३ रनको बलियो लक्ष्य दिएको हो । मंगलवारको पहिलो खेलमा टस हारेर पहिलो ब्याटिङको निम्तो पाएको सुदूरपश्चिमले निर्धारित २० ओभरमा ७ विकेट गुमाएर १ सय ८२ रन बनाएको छ ।
सुदूरपश्चिमका लागि दीपेन्द्रसिंह ऐरीले नट आउट रहँदै सर्वाधिक ५७ रन जोडेका थिए ।विराटनगर दोस्रो खेलमा पहिलो जितको खोजीमा रहेको छ । विराटनगर पहिलो खेलमा जनकपुर बोल्ट्ससँग ८ विकेटले पराजित भएको थियो । सुदूरपश्चिम भने पहिलो खेल खेल्दैछ ।
