१९ मंसिर काठमाडौँ । गोरखा अजिरकोट गाउँपालिका वडा न ४ ढोडेनीमा सिम्जुङ–घ्याच्चोक सडक निमार्णको लागि स्थापन गरिएको क्रसर उद्योगले नियम विपरीत आयोजनाभन्दा अन्यत्र गिटी वालुवा विक्री वितरण गरेको भन्दै स्थानीयले कारवाहीको माग गरेका छन्
उनीहरुले जिल्ला समन्वय समिति र जिल्ला प्रशासन कार्यालयमा निवेदन बुझाउँदै नियम विपरित काम गर्ने उक्त क्रसरलाई कानूनी कारवाही गर्न माग गरेका हुन् । स्थानीय मनबहादुर तामाङका अनुसार आयोजना स्थलमा हुनुपर्ने क्रसर दश किलोमिटर पर राखिएको छ ।
अर्काे आयोजनाको नाममा खोलिएको क्रसरले धमाधम अन्यत्र गिटी वालुवा बिक्री वितरण गरिरहेका छ, जुन नियम विपरीत भएको बताए । बारपाकमा निर्माणाधीन हाइड्रो, सौरपानी र मुच्चोकमा संचालित योजनाहरुका लागि उक्त क्रसरले गिटी वालुवा बिक्री वितरण गरिरहेको छ ।
बस्तीमै जोडेर क्रसर राखेकाले स्थानीयको जनजीवन समेत प्रभावित बनेको उनीहरुको गुनासो छ ।विद्यालय पनि नजिकै रहेकाले क्रसरका कारण पठनपाठन प्रभावित हुदैँ आएको छ । प्रमुख जिल्ला अधिकारी पुण्यबिक्रम पौडेलले यसबारे आवश्यक छानविन गरिने बताए ।
