२० मंसिर काठमाडौँ । बाँसगढी नगरपालिका वडा न ४ बाट जुवातास खेलिरहेका ६ जनालाई नगदसहित प्रहरीले पक्राउ गरेको छ ।
उनीहरुलाई कुखरा फार्म रहेको कृष्ण अधिकारीको घरको कोठामा जुवातास खेलिरहेको अवस्थामा पक्राउ गरेको प्रहरीले जनाएको छ । पक्राउ पर्नेमा प्रकाश थारुसहित ६ जना सोही ठाउँको रहेको जिल्ला प्रहरी कार्यालयले बताए ।
जुवा खेल्ने ठाउँबाट नगद ४४ हजार २ सय ९० रुपैयाँ, लु ९७ प ३०९ नम्बरको मोटरसाइकल खेल्दै गरेको १ सय १० पत्ता तास, नखोलेको ३ गड्डी ताससहित मोबाइल सात थान बरामद गरिएको छ ।
पक्राउ गरिएका उनीहरुलाई इलाका प्रहरी कार्यालय मोतीपुर बाँसगढीको हिरासतमा राखी अनुसन्धान गरिएको छ ।
