२० मंसिर काठमडौँ । सिद्धार्थ बैंक नेपाल प्रिमियर लिग९एनपिएल० मा आज बिहान भएको पहिलो खेलमा पोखरा एभेन्जर्सले जनकपुर बोल्ट्सलाई जितको लागि १३९ रनको लक्ष्य दिएको छ । किर्तिपुर टियु क्रिकेट मैदानमा टस हारेर पहिले ब्याटिङ गरेको पोखराले निर्धारित २० ओभरमा ७ विकेट गुमाएर १ सय ३८ रन मात्र जोडेको हो ।
पोखराका लागि म्याट क्रिचलेले ३५ रन,ओपनर आन्द्रस गौसले २० रन,माइकल लिस्कले २५ रन,राइमन राइफरले १७ रन जोडेका थिए । त्यसै गरि दिनेशले १० रन जोडेर आउट भए । कप्तान कुशल भुर्तेलले ६ रन जोडेर ललित राजवंशीको बलमा विकेटकिपर लाहिरु मिलन्थाबाट आउट भएका हुन् ।
लास्ट ओभरमा दिलिप नाथ ११ रन जोड्दै आउट भएका थिए । जनकपुरका लागि ललित राजवंशीले ३, जिमी निशमले २ तथा मोहम्मद मोहसिन र किशोर महतोले समान १ विकेट लिए । आजै हुने दोस्रो खेलमा काठमाडौं गुर्खाज र सुदूरपश्चिम रोयल्सबीच खेल हुनेछ ।
