२३ मंसिर काठमाडौँ । काभा मेन्स भलिबल क्लब च्याम्पियनसिपको आज दोस्रो दिन दुई खेल हुने भएको छ । त्रिपुरेश्वरस्थित राष्ट्रिय खेलकुद परिषदको कभर्ड हलमा भएको खेलमा आज टिप टप हेल्प नेपाल स्पोर्ट्स क्लब र गण्डकी प्रदेशबीचमा दिउँसो साढे २ बजे खेल सुरु हुने भएको छ ।
घरेलु दुई टोलीबीचको खेल रोमान्चक हुने अपेक्षा गरिएको छ। आठौं प्रधानमन्त्री कप एनभिए लिगको विजेताका रुपमा हेल्प नेपाल र उपविजेताका रुपमा गण्डकीले च्याम्पियनसिपमा नेपालको प्रतिनिधित्व गरिरहेका छन् ।हेल्प नेपाल लगातार दोस्रो जित हात पार्ने दाउमा रहनेछ।
शनिवार उदघाटन खेलमा हेल्प नेपालले दाबेदार भारतको क्यालिकट हिरोजलाई ३-२ को सेटमा हराएको थियो। गण्डकी भने पहिलो जितको खोजीमा हुनेछ। हिजो माल्दिभ्सको क्लब एचडिसी विरूद्ध राम्रो सुरूवात गरेपनि पछिल्ला ३ सेट लगातार गुमाउँदा गण्डकी पराजित हुन पुगेको थियो। फाइनल मंसिर २९ गते हुनेछ।
