२४ मंसिर काठमाडौँ । गोरखा सहिदलखन घैरुङमा दोस्रो धन्यपूर्णीमा कप २०८१ फुटवल प्रतियोगिता हुने भएको छ । घैरुङको बाँसकोट खेल मैदानमा अन्नपूर्ण क्लबको आयोजनामा यही मंसिर २७ देखि ३० गतेसम्म फायभ ए साइड फुटबल प्रतियोगिता हुने भएको हो ।
प्रतियोगितामा टिम दर्ता गर्नका लागि ४५ सय रुपैँया लाग्ने आयोजक अन्नपूर्ण क्लवले जनाएको छ । यस प्रतियोगितामा विजेता टिमले नगद रु ४४ हजार ४४४ रुपैयाँसहित शिल्ड मेडल र प्रमाणपत्र पाउने छन् । यसै खेलमा उपविजेता टोलीले नगद रु २२ हजार २२२ रुपैयाँसहित शिल्ड मेडल र प्रमाणपत्र प्राप्त गर्ने क्लवका अध्यक्ष विश्व श्रेष्ठले बताए ।
प्रतियोगितामा उत्कृष्ट खेलाडी,सर्बाधिक गोलकर्ता, उत्कृष्ट गोलरक्षक र उदयमान खेलाडीहरुलाई पनि पुरस्कारको व्यवस्था रहेको उनले जानकारी दिए ।
