२६ मंसिर काठमाडौँ । सुनको भाउ लगातार बढ्दो क्रममा छ । नेपाल सुनचाँदी व्यवसायी महासंघका अनुसार आज छापावाल सुन प्रतितोला एक लाख ५४ हजार २०० रुपैयाँ पुगेको छ ।
आज सुन तोलामा २ हजार रुपैयाँले महंगिएको छ ।मंगलबार पनि सुनको मूल्य तोलामा २ हजार १०० रुपैयाँले बढेको थियो । हिजो सुन प्रतितोला एक लाख ५२ हजार २०० रुपैयाँमा कारोबार भएको थियो । आज चाँदीको मूल्य भने स्थिर रहेको छ ।
आज चाँदी प्रतितोला एक हजार ९२५ रुपैयाँमा खरिदबिक्री हुँदैछ । अघिल्लो कारोबार दिन, भने चाँदी तोलामा ६० रुपैयाँले बढेको थियो ।
