१२ पुस काठमाडौँ । पृथ्वी राजमार्गको धादिङमा हाइस दुर्घटना हुँदा १६ जना घाइते भएका छन्। आज काठमाडौंबाट चितवन जाँदै गरेको बा २ ख २८२९ नम्बरको हाइस दुर्घटना हुँदा १६ जना घाइते भएको धादिङ प्रहरीले जनाएको छ।
आज दिउँसो करिब ३स्३५ बजेतिर धादिङको गल्छी गाउँपालिका-८ गल्छी मोडमा दुर्घटना भएको हो।
हाइसमा १६ जना यात्रु सवार रहेकोमा चालकसहित १६ जना घाइते भएका हुन्।घाइतेहरूलाई उपचारका लागि अम्बेभरोसा अस्पताल गल्छी पठाएको प्रहरीले जनाएको छ। घाइतेहरूको अवस्था केहीको सामान्य र केहीको मध्यम रहेको छ।
हाइसको अचानक ब्रेक फेल भइ अनिन्त्रित हुँदा दुर्घटना भएको प्रहरीको अनुसन्धानबाट खुलेको छ। घटनाको अरु अनुसन्धान भइ रहेको प्रहरीले बताए ।
