२१ पुस काठमाडौँ । उत्तरी गोरखाको धार्चे गाउँपालिका वडा न ४ लाप्राकमा भएको खुल्ला भलिबल प्रतियोगितामा लाप्राक स्नोबर हाउस युवा क्लव विजयी बनेको छ । तमु ल्होछारको अवसमा शुक्रवार सम्पन्न फाइनल खेलमा जोन युनाइटेड युवा क्लबलाई हराउँदै लाप्राक स्नोबर हाउस बिजयी भएको हो ।
उक्त प्रतियोगितामा १९ टिमको सहभागिता रहेको थियो । प्रतियोगितामा लाप्राक स्नोबर हाउस प्रथम र जोन युनाइटेड पावरफुल युवा क्लव खोर्ला दोस्रो र धार्चे मनासलु युवा क्लव तेस्रो बनेको छ । प्रथम हुने टिमले नगद रु ८० हजार, दोस्रो हुने टिमले नगद रु ४५ हजार र तेस्रो हुने टिमले नगद रु ३५ हजारसहित ट्रफि, मेडल र प्रमाणपत्र प्राप्त गरेको आयोजकले जनाएको छ ।
गोरखा जिल्ला लाप्राक इकाई समितिको आयोजना तथा तमु ल्होसार मुल आयोजक समितिको साझेदारीमा प्रतियोगिता भएको हो । यही पुस १५ गतेदेखि १९ गतेसम्म संचालन भएको प्रतियोगितामा पुरुष र महिलातर्फको भलिबल खेल भएको हो ।
महिला तर्फको उपाधि बारपाक सुलिकोट युवा क्लव ‘ए’ ले जितेको थियो , भने उपविजेत बारपाक सुलिकोट युवा क्लव ‘बी’ दोस्रो भएको हो । महिला तर्फ प्रथम हुनेले नगद रु २० हजार र प्रतियोगितामा दोस्रो हुनेले नगद रु १५ हजारसहित ट्रफि, मेडल र प्रमाणपत्र प्राप्त गरेका छन् । तमु।क।प्ये।ल्हु।संघ गोरखा जिल्ला लाप्राक इकाई समितिका अध्यक्ष विष बहादुर गुरुङको अध्यक्षता तथा धार्चे गाउँपालिकाकी उपाध्यक्ष सुनिला गुरुङको प्रमुख आतिथ्यतामा पुरस्कार वितरण गरिएको थियो ।
