२१ पुस काठमाडौँ । नेपाली सेनाको छैटौँ संस्करणको गोरखा–काठमाडौं एकीकरण पदमार्गको पदयात्रा आजबाट सुरु भएको छ । आज बिहान एक कार्यक्रम बिच उद्वघाट गरि गोरखा दरबारको हनुमान भन्ज्याङबाट यात्रा सुरु गरिएको हो । नेपाली सेनाको रिपुमर्दन गणका गणपति अशोककुमार क्षेत्रीका अनुसार अधिकृत कमान्डको टोली टर्च र नेपाली सेनाको पहिलो पाँच कम्पनी श्रीनाथ, कालिबक्स, पुरानो गोरख, बर्दबहादुर र सबुज गणको झन्डासहित पदयात्रामा निस्किएको बताए ।
गोरखा दरबारबाट पदयात्रामा निस्किएका टोलीलाई टर्च र झन्डा हस्तान्तरण गरेर बिदाई गरिएको थियो । उनीहरु आज पहिलो दिन पिपलथोक, ताप्ले, अश्राङ, बोर्लाङ हुँदै घाटबेसी पुगेर टर्च र झन्डा धादिङको शिवदल गणलाई बुझाउने छ । धादिङले नुवकोटको शेर गण र नुवाकोटले काठमाडौंको शिवध्वज गणलाई हस्तान्तरण गर्नेछ ।
कालीध्वज गणले २७ पुसमा पृथ्वी जयन्ती तथा राष्ट्रिय एकता दिवसको अवसरमा हनुमानढोकामा आयोजना हुने कार्यक्रमका लागि २६ पुस साँझसम्म हनुमानढोका स्थित शार्दुलजंग गुल्मलाई टर्च र झन्डा हस्तान्तरण गर्ने बताइएको छ ।
३०३औं पृथ्वी जयन्ती तथा राष्ट्रिय एकता दिवस मनाउने क्रममा गोरखाबाट पदयात्रा सुरु गरिएको नेपाली सेनाले जनाएको छ । गोरखा काठमाडौंको मार्गलाई समेटेर २०७६ सालदेखि पदयात्रा सुरु गरिएको थियो । गोरखा नगरपालिकाका मेयर कृष्ण रानाले इतिहासको जगेर्ना गर्न पदयात्रा सहयोग पुग्ने बताए । नगरपालिकाले घोषणा गरेको भ्रमण वर्षलाई पनि यसले सहयोग पुग्ने समेत भनाए व्यक्त गर्नु भयो ।
