२१ पुस काठमाडौँ । कालीकोट महावै गाउँपालिका ३ का प्रशासन सहायक केशरबहादुर सिंहको हृदयाघातका कारण निधन भएको छ ।
३७ वर्षीय सिंहको हृदयाघातका कारण आज बिहान कार्यालय जाने तरखरमा रहेका उनको आफ्नै निवासमा निधन भएको महावै गाउँपालिकाका अध्यक्ष खेमबहादुर सिंहले बताए ।
सत्र वर्षअघि उनी राष्ट्र सेवामा प्रवेश गरेका थिए । उनकी श्रीमती, एक छोरा र दुई छोरी छन् ।
स्वर्गीय सिंहको आजै पाद घाटमा अन्तिम संस्कार गरिने अध्यक्ष सिंहले बताए ।
