२४ पुस काठमाडौँ । पूर्वप्रधानमन्त्री तथा नेकपा माओवादी केन्द्रका अध्यक्ष पुष्पकमल दाहालले शान्ति प्रक्रियाको बाँकी काम गर्न सडकबाट दबाब नदिएसम्म टुंगो नलाग्ने बताएका छन् ।
आज काठमाडौँको नेपाल बार एसोसिएसनको सभाकक्ष रामशाहपथ भएको शान्ति प्रक्रिया र वेपत्ता नागरिकहरूको सार्वजनिकीकरणको सवाल विषयक कार्यक्रमलाई सम्बोधन गर्दै पूर्वप्रधानमन्त्री तथा माओवादी केन्द्रको अध्यक्ष पुष्पकमल दाहाल प्रचण्डले शान्ति प्रक्रियाका बाँकी कामहरू टुंग्याउने विषय राजनीतिक कारणले अड्किएको जानकारी गराए ।
अहिले टुंग्याउन कठिन भएको राजनीतिले नै हो । त्यहाँ कन्फ्युजन हुनुपर्ने कुरा केही पनि छैन । अबका दिनहरुमा र आउने दिनहरुमा यसो स्थिति हेर्दा सडकबाट आन्दोलन नगरेसम्म शान्ति प्रक्रियाका बाँकी कामहरु नहुने देखिएको उनको भनाइ छ । यस कार्यक्रम उनले भने, पीडितहरूले पटक पटक यो विषयलाई उठाइराख्नू, जरुरी पर्दा सडकमा पनि जाने तयारी पनि गर्दै गर्नु पर्ने देखिएको बताए ।
अब यति सम्म गर्दा पनि केही नभए पछि हामी यसको विकल्पमा अन्तिममा उपाय भनेको सडक नै रोज्नु पर्ने हो की भने लाग्छ मलाइ पनि जस्ता कुराहरु राखेका हुन् ।
यो अन्तरक्रिया, गोष्ठी, विवाद, बहस पनि हो । त्यसले पनि केही न केही वातावरण बनाउन मद्दत गरेको छ ।तर कानुनी भन्दा पनि राजनीतिक विषयका कारण शान्ति प्रक्रियाका बाँकी कामहरू टुंगिन बाँकी रहेको भन्दै उनले माओवादीलाई तह लगाउने अन्तिम अस्त्र यही बाँकी भएकाले नटुंग्याउन जोड दिइएको बताए ।
