२५ पुस काठमाडौँ । दिनदिनै शीतलहर चलेपछि कञ्चनपुरका स्थानीय तहले विद्यालयहरु एक साताको लागि बिदा गरेको छ । त्यस जिल्लामा अहिले सम्मको सबै भन्दा धेरै चिसो बढेपछि शुक्लाफाँटा नगरपालिका, पुनर्वास नगरपालिका र कृष्णपुर नगरपालिकाले विद्यालयमा बिदा गरिएको हो ।
चिसोले विद्यालयको पठनपाठन प्रभावित हुनुका साथै विद्यार्थीको स्वास्थ्य अवस्थामा प्रतिकूल असर पर्न थालेपछि विद्यालयमा बिदा दिइएको शुक्लाफाँटा नगरपालिकाका प्रमुख प्रशासकीय अधिकृत खेमराज विष्टले बताए।
सामुदायिक र संस्थागत विद्यालयमा यही पुस २५ गतेदेखि पुस २८ गतेसम्मका र कृष्णपुर नगरपालिकाले पुस २३ गतेदेखि २८ गतेसम्म बिदा दिएको कार्यालयले जनाएको छ ।
