७ माघ काठमाडौँ । नेपाल कुङफु संघले विलबहादुर देउला र सविन श्रेष्ठलाई आइतबार नगदसहित सम्मान गरेको छ ।
स्थापनाकालदेखि संघलाई सहयोग गर्दै आएका प्रशिक्षकद्वय देउला र सविनलाई जनही २५ हजार नगदसहित सम्मान गरिएको हो ।
राष्ट्रिय कुङफु डिप्लोमा सेमिनार तथा ब्याल्कवेल्ट परीक्षाको समापनका अवसरमा दुवैलाई राष्ट्रिय खेलकुद परिषद्का सदस्य जगतसिंह धामी, कुङफु संघका अध्यक्ष सिताराम हुमागाईंलगायतले नगदसहित प्रशंसा पत्र प्रदान गरी सम्मान गरे ।
पुस २९ देखि माघ ६ गतेसम्म भएको परीक्षाको ब्ल्याकवेल्टतर्फ ३५ तथा डिप्लोमामा २० जना सहभागी थिए । सहभागी मध्ये याङ्की गुरुङ उत्कृष्ट घोषित भइन् ।
