९ माघ काठमाडौँ । गोरखामा दुई पालिका जोडने मोटरेबल पुल बनाउने कार्य सुरु गरिएको छ । गोरखाको भिमसेनथापा गाउँपालिका वडा न १ मसेल खोला र बारपाक सुलिकोट गाउँपालिका वडा न ८ जराङ जोड्ने जराङ खोलामा मोटरेबल पुल निमार्ण कार्य सुरु गरिएको हो ।
उक्त पुलको उद्वघाटना भिमसेनथापा गाउँपालिका वडा न १ का वडाध्यक्ष विकास बाबु श्रेष्ठले पुलको शिलन्यास गरेका छन् । प्रदेश सरकारको बजेटमा गोरखा पूर्वाधार विकास कार्यालयले २ करोड ५९ लाख ३ हजार ६ रुपैयाँ ठेक्का सम्झौता गरि पुल निर्माण गर्ने सुरु गरिएको हो । त्यस स्थानमा बन्ना लागेको पुल एच एम सेट स्क्यार जेभी कम्पनिले लिएको छ ।
उक्त मोटरेबल पुल २० मिटर लम्बाई र ८.४० मिटर चौडाइ लामो सिङ्गल स्पाम आरसिसि प्रबिधि अनुसार निमार्ण हुन् लागेको छ । यस पुलको बजेट विनियोज गरे पछि गोरखा पूर्वाधार विकास कार्यालयले निकालेको सूचना अनुसार एच एम सेट स्क्यार जेभीसँग २ करोड ५९ लाख ३ हजार ६ रुपैयाँमा ठेक्का आफनो जिम्मा लिएको हो ।
यस कम्पनिले २०८० साल चैत २७ गते ठेक्का सम्झौता गरेको हो । पुल निर्माणसँगै गोरखा लगायत विभिन्न स्थानबाट आउने सवारी साधनहरु १२ महिना सञ्चालन हुने पनि स्थानियहरुको भनाइ छ । भिमसेनथापा गाउँपालिका – १ र बारपाक सुलीकोट गाउँपालिका – ८ नम्बर वडाका स्थानीय बासिन्दालाई मसेल – ताल खोला – जराङबेशी – बारपाक सुलिकोटको ताकुकोट सवारी साधन आवतजावतमा सहज हुने छ । अहिले जराङ खोलामा निमार्ण हुन लागेको मोटरेबल पुलको समय अवधि २३ महिना भित्रमा सम्पन्न गर्नु पर्ने सम्झौता उल्लेख गरिएको छ ।
