२० माघ काठमाडौँ । गोरखा गण्डकी गाउँपालिका वडा न –२ गोर्दीको त्रिशुली नदि किनारमा एक व्यक्तिको शव फेला परेको छ । हिजो शनिवार दिउँसो नदी किनारमा घोप्टो परेको अवस्थामा शव फेला परेको जिल्ला प्रहरी कार्यालय गोरखाले जनाएको छ ।
उक्त फेला परेको शव करिब ५०–५५ बर्षको पुरुषको शव देखिएको प्रहरी निरीक्षक ध्रुवप्रसाद शर्माले बताए । नदिको किनारमा फेला परेको शव अहिले पोष्टमार्टमका लागि गोरखा अस्पताल लगिएको छ ।
स्थानीयले शव देखेर खवर गरेपछि गोरखा प्रहरीको टोली घटनास्थल पुगेको थियो ।प्रहरी र विपद व्यवस्थापन शिक्षालय कुरिनटारको टोली मिलेर शव निकालेको हो । घटनाबारे थप अनुसन्धान भइरहेको छ ।
