२१ माघ काठमाडौँ । झापाको पूर्वपश्चिम राजमार्गको कनकाई नगरपालिका वडा न १ जुकेकल्भटमा मोटरसाइकल दुर्घटना हुँदा एक जनाको मृत्यु भएको छ ।
हिजो बिहान पश्चिमबाट पूर्वतर्फ जाँदै गरेको मे ४ प ९५० नम्बरको मोटरसाइकल आफैँ अनियन्त्रित भई दुर्घटना हुँदा मुत्यु भएको हो ।
घटनामा मृत्यु हुनेमा झापा गाउँपालिका वडा न ६ शरणामती निवासी ५० वर्षीय हरिप्रसाद सिटौला गम्भीर घाइते भएका थिए।
घाइते सिटौलाको उपचारका क्रममा बिर्तामोडस्थित बिएण्डसी अस्पताल पुर्याउन साथ बिहान ५ बजे चिकित्सकले मृतक घोषणा गरेको जिल्ला प्रहरी कार्यालय झापाले जनाएको छ। घटना बारे थप विवरण आउन बाकी छ ।
