२८ माघ काठमाडौँ । गोरखाको बारपाक सुलिकोट गाउँपालिकाको ८ वटै वडा मा नि : शुल्का महिलाको पाठेघर सम्बन्धी परीक्षण शिविर सञ्चालन हुने भएको छ । यस शिविर गाउँपालिकाको आयोजना र नेपाल अस्ट्रेलियन सर्भाईकल क्यान्सर फाउण्डेशन तथा नेपाल क्यान्सर रिलिभ सोसाईटी काभ्रे शाखाको सहयोगमा शिविर हुन लागेको गाउँपालिका प्रमुख प्रशासकीय अधिकृत सुवास आलेले बताउनु भयो ।
गाउँपालिकाले एक सूचना प्रकाशन गरि उक्त शिविर यही फागुन १९ गतेदेखि गाउँपालिका भित्रका विभिन्न वडा सञ्चालन हुने लागेको हो ।
उक्त सञ्चालन हुन लागेको शिविर पाँच दिनसम्म चल्ने छ । यस शिविर फागुन १९ गते बारपाक वडा नम्बर १ र २ को स्वास्थ्य चौकी बारपाकमा,फागुन २० गते वडा नम्बर ४ को सौरपानी स्वास्थ्य चौकीमा,फागुन २१ गते वडा नम्बर ३ स्वाँरा स्वास्थ्य चौकी, फागुन २२ गते वडा नम्बर ५ को ताकुमाझलाकुरीबोट स्वास्थ्य चौकी र फागुन २३ गते वडा नम्बर ८ पाँचखुवा देउरालीको स्वास्थ्य चौकीमा महिलाहरुको पाठेघरको परीक्षण सम्बन्धी शिविर सञ्चालन हुन लागेको गाउँपालिकाले जनाउको छ ।
अहिले हुन लागेको महिला सम्बन्धी शिविरमा करिब ३० वर्षदेखि ४९ वर्ष उमेर समूहका महिलाहरुको परिक्षण गरिने भएको छ । गाउँपालिकाले यस सम्बन्धी चेकजाच गर्ने सबै वडाका जनप्रतिनिधिहरुलाई आफनो वडा भित्र रहेका महिलाहरुलाई सहभागि गराई आफनो स्वास्थ्य परिक्षण गर्ने समेत अनुरोध गरेका छन् ।
