२६ फागुन काठमाडौँ । काठमाडौं महानगरपालिकाले राष्ट्रिय प्रजातन्त्र पार्टीलेलाई लगाएको रु एक लाख रूपैयाँ जरिवाना आज तिरेको छ । हिजो आइतबार पूर्वराजा ज्ञानेन्द्र शाहको स्वागतका क्रममा राप्रपालगायत राजावादीहरुले काठमाडौंमा प्रदर्शन गर्दा महानगरपालिका क्षेत्रभित्रका एयरपोर्ट, तिलगंगा, गौशालालगायत सार्वजनिक क्षेत्रका सडक, सडकपेटी तथा आइल्याण्ड र त्यसमा रहेका विरुवाका साथै रेलिङमा भौतिक क्षति र जथाभावी फोहोरमैला गरेको भन्दै महानगरले जरिवानाको पत्र काटेको थियो ।
त्यसै पत्रलाई आधार मानी वा नियममा आधारीत भई महानगरलाई उक्त रकम तिरको जानकारी राप्रपा नेता तथा प्रमुख सचेतक ज्ञानेन्द्र शाहीले आफनो फेस्वुक पेजबाट बताएका छन् ।
पैसा बुभाएकाे भाैचार
शाहीले भनेका छन्, ‘हामी राप्रपा सुशासन मान्छौं र विधिको शासन मान्छौँ राजाको स्वागतमा आएका लाखौं आमाबुवा दाजुभाई बहिनीहरूले हिँड्दा बाटोमा केही कुल्चिए होलान् महानगर, नगरपालिकाको निर्णयलाई हामी स्वीकार्दछौँ, रु १ लाख रुपैयाँ हामीले काठमाडौँ महानगरपालिकाको खातामा दाखिला गरेका छौ। भनेका छन् ।
