२७ फागुन काठमाडौँ । अखिल नेपाल राष्ट्रिय स्वतन्त्र विद्यार्थी यूनियन (क्रान्तिकारी)ले फर्जी भर्ना गरिएको आरोपमा पब्लिक युथ क्याम्पसमा तालाबन्दी गरेको छ । आउदो चैत ५ गते हुन लागेको रास्ववियू निर्वाचनमा निर्वाचन आयोग पब्लिक युथ क्याम्पसद्वारा निकालिएको अन्तिम मतदाता नामावली सूचिमा विटिटिएम् प्रोग्राम तेस्रो सेमेस्टरमा अध्ययनरत विधार्थीहरुको सूचीमा फर्जी पाइएको भन्दै तालाबन्दी गरिएको हो ।
यस विषयमा निर्वाचन समितिलाई जानकारी गराउँदा पनि बेवास्ता गरी निर्वाचन प्रक्रिया अगाडि बढाएको र वास्तविक विद्यार्थीलाई मताधिकारबाट वञ्चित गरेकोले बाध्य भएर तालाबन्दी गरिएको विज्ञप्तिमा उल्लेख छ ।
विद्यार्थीहरूको भर्नाको विषयलाई लिएर वि.वि.ए र वि बिएम् प्रोग्रामको धेरै जसो विद्यार्थीहरुको हामीलाई तथ्याङ्क उपलब्ध नगराएको विषयप्रति पनि हाम्रो संगठन घोर भ्रत्सना गर्दछ समेत विज्ञप्तिमा उल्लेख गरिएको छ ।
उक्त मतदाता नामावली विज्ञाती अनुरूप संसोधन नभएकाले हाम्रो संगठन अनेरास्ववियू (क्रान्तिकारी) ताला लाउन बाध्य भएको जानाकारी अखिल क्रान्तिकारी पब्लिक युथ क्याम्पस संयोजक रोशन कालिकोटे बताए । यस संगठनले गरेको माग पुरा नभए सम्म ताला नखोल्ने प्रतिबद्वता जनाएका छन् ।
