२८ फागुन काठमाडौँ । काठमाडौँ त्रिचन्द्र क्याम्पस स्वतन्त्र विद्यार्थी युनियन अखिल क्रान्तिकारीबाट स्ववियु सचिव पदका लागि गोरखा घर भएका अनुप खत्रीले उम्मेदवारी दिएका छन् । यसै क्रममा माओवादी निकट अखिल ९क्रान्तिकारी० त्रिचन्द्र क्याम्पस कमिटीले आफ्नो प्यानल दर्ता गराएको छ। यस प्यानल युवा नेता अनुप खत्रीले सचिव पदका लागि उम्मेदवारी दिएका हुन् ।
खत्री लामो समयदेखि विद्यार्थी राजनीतिमा सक्रिय रहँदै आएका छन् । सचिव पदका उम्मेदवारी दिएका अनुप खत्री विद्यार्थीहरूमाझ समर्पित, निडर र न्यायको पक्षमा दृढ अडान लिने नेताका रूपमा परिचित छन्। क्याम्पसमा विद्यार्थीहरूले भोगिरहेका समस्याहरू समाधान गर्न उनले निरन्तर आवाज उठाउँदै आएका छन्। चाहे कलेज प्रशासनका गलत निर्णयहरू विरुद्ध संघर्ष होस् वा विद्यार्थी सुविधाको अभावको प्रश्न, उनले सधैं अग्रपंक्तिमा रहेर काम गरेका छन्।
यही कारण उनले कलेजमा व्यापक समर्थन पाइरहेका छन्।उम्मेदवारी खत्रीले भन ेहामी शैक्षिक सुधार, विद्यार्थी शुल्क वृद्धिको विरोध, क्याम्पस भौतिक पूर्वाधारको विकास, छात्रवृत्तिको सुनिश्चितता, र समग्र विद्यार्थी सुविधाको विस्तार गर्न उम्मेदवारी दिएको बताए । खत्रीले भने “म विद्यार्थीहरूको वास्तविक प्रतिनिधि बन्ने छु। हाम्रो संघर्ष न्यायको लागि हो, हामी विद्यार्थी हकहितको रक्षा गर्न कुनै सम्झौता गर्ने छैनौं।”क्याम्पस प्रशासनले निष्पक्ष र स्वतन्त्र निर्वाचनको सुनिश्चितता गर्न आवश्यक सबै तयारी गरिरहेको छ भने सुरक्षाका दृष्टिकोणले पनि आवश्यक व्यवस्था मिलाइने बताइएको छ।
विद्यार्थी नेताहरूले स्ववियु निर्वाचन शान्तिपूर्ण र लोकतान्त्रिक प्रक्रियामा सम्पन्न गराउने प्रतिबद्धता जनाएका छन्।अखिल क्रान्तिकारीका समर्थक विद्यार्थीहरूले आफ्नो प्यानलका उम्मेदवारहरूको जित सुनिश्चित गर्न एकजुट भएर लाग्न अपील गरिरहेका छन्। विद्यार्थीहरूका हकहितको रक्षा गर्ने प्रतिबद्धता राखेका अनुप खत्रीको नेतृत्वमा त्रिचन्द्र क्याम्पसमा विद्यार्थी राजनीतिले नयाँ मोड लिने विश्वास गरिएको छ।
