१ चैत काठमाडौँ । आज तराई भेगका विभिन्न स्थानमा रङ, अबिर ,बेलुन, पिचकारी तथा होलीसँग सम्बन्धित टि–सर्ट र कुर्ता तथा होलीका अन्य सामग्री किन्नेको भीड देखिएको छ । महेन्द्रनगर, ढल्केवर, वीरेन्द्रबजारलगायत धनुषाका मुख्य बजारसँगै अन्य ग्रामीण बजारमा पनि होलीका सामान किन्नेको भीड लागेको हो ।
होलीका लागि आवश्यक सामग्री किन्न प्राय सबै बजारका चोकमा अस्थायी रुपमा फुटफाटमा पसल थापेर मेला लाग्ने गरेको छ । यस्ता बजारमा विशेषगरी बालबालिका पिचकारी र पानी भर्ने बेलुन किन्न व्यस्त देखिएका छन् । पछिल्लो समय होली पर्वको लोकप्रियता बढेकाले रङ र अबिरको व्यापार पनि बढेको फुटकर व्यापारीहरूको भनाइ छ ।
‘होली खेल्दै रमाउँदै व्यापार पनि हुने भएकाले व्यापारहरु आजको दिन निकै रमाइलो सहसुस भएको समेत बताए । होलीका दिन सयौँ युवायुवती होली खेल्न विभिन्न जिल्ला र कामको शीलशीलाले विभिन्न शहरमा भएमा मान्छेहरु यहाँ होली खेल्न आउने गरेका छन् । विदेशी पर्यटकहरूसमेत यहाँ होली खेलेर रमाउने गरेका छन् ।
