६ चैत काठमाडौँ । गोरखा जिल्लाको गोरखा नगरपालिका वडा न –९ लक्ष्मी बजारमा रहेको द्रव्य शाह बहुमुखी क्याम्पसको सभापति पदमा नेविसंघका अविन श्रेष्ठ विजयी भएका छन् । उनी सत्तारुढ दल नेविसंघ र अनेरास्ववियुको संयुक्त प्यानलबाट उम्मेदवारी बनेका श्रेष्ठले २१६ मत प्रप्ता गरि प्यानल नै विजयी भएको हुन् ।
उनी संग प्रतिस्पर्धा गर्ने अखिल क्रान्तिकारीका सचिन खनालले २ सय २ मत मात्र पाउदा हार व्याहोरेको हो । विजय भएका प्यानलको सचिवमा नेविसंघका सुप्रिज बस्नेत,कोषाध्यक्षमा अनेरास्ववियुका असिम श्रेष्ठ, सदस्य पदमा नेविसंघका युकेन अर्याल, सुमिका घर्ती, सायदा खातुन, सन्दिप कार्की र अनेरास्ववियुकी विपना कोइराला विजयी बनेका छन् ।
सत्ता गठबन्धन निकटका विद्यार्थी संगठन नेविसंघ र अनेरास्ववियु तथा समाजवादी मोर्चा निकटको अखिल क्रान्तिकारी, अखिल नेपाल विद्यार्थी युनियन समाजवादी र अखिल नेपाल राष्ट्रिय स्वतन्त्र विद्यार्थी युनियनबिच प्रतिस्पर्धा भएको थियो ।
