६ चैत काठमाडौँ । गोरखामा भीरबाट खसेको मुढाले लागेर एक वृद्वको मृत्यु भएको छ । माथि भिरबाट खसेको मुढाले लागेर घाँस काट्न गएकी एक वृद्ध महिलाको मृत्यु भएको हो ।
उक्त घटनामा मृत्यु हुने बारपाक सुलिकोट गाउँपालिका वडा न ४ तुक्राङ घर भएकी ६९ बर्षकी बिमाया बरामको मृत्यू भएको जिल्ला प्रहरी कार्यालयका डिएसपी इन्द्रप्रसाद सुवेदीले जानकारी दिए ।
गाउँ नजिकैको बोरीखर्क जंगलमा घाँस काट्न गएकी वृद्ध महिला भीरबाट खसेको मुढाले लागेर घाइते भएको थिइन् ।
घाइते वृद्वलाई घटना पछि उपचारका लागि अस्पताल लैजाँदै गर्दा बिचबाटोमा मृत्यू भएको डिएसपी सुवेदीले जानकारी दिए ।घटनाका बारेमा गोरखा इलाका प्रहरी जौबारीबाट खटिएका प्रहरी टोलीले अनुसन्धान गरिरहेको छ । घटना बारे थप विवरण आउन बाकी छ ।
