८ चैत काठमाडौँ । सिराहामा महायज्ञ गर्न दलित बस्तीमा डोजर चलाएको विरोध तथा अन्तर्राष्ट्रिय जातीय विभेदविरुद्ध दलितका लागि दलित अभियान, नेपालको प्रदर्शनले बानेश्वर निषेधत क्षेत्र तोडेर संसद भवन पस्ने प्रयास गरेका छन् ।
अन्तर्राष्ट्रिय जातीय विभेद विरूद्धको दिवसका अवसरमा राजधानीमा प्रदर्शन सुरु गरेको हो । शुक्रबार बानेश्वरमा दलित अभियन्ताहरुले प्रदर्शन गरेका हुन् । ‘दलितलाई खै’ भनि लेखिएको नारासहित अर्धनग्नसमेत बनेर प्रदर्शनमा सहभागी भएकाहरूले निषेधित क्षेत्र तोड्न खोजेपछि केहीबेर तनावको स्थिति समेत बनेको थियो ।
सो क्रममा प्रहरी र प्रदर्शनकारीबीच निषेधित क्षेत्रमा केहीबेर धकेलाधकेल भएको हो । धकेलाधकेलको अवस्था पछि नेपाल प्रहरीको टोलीले समे भएर प्रदर्शन गर्ने आग्रह गरेका हुन् । अहिले त्यहाँको अवस्थ तनावग्रत रहेको छ ।
