१० चैत काठमाडौँ । काठमाडौँ पिपलबोटमा रहेको अमृत साइन्स क्याम्पस (अस्कल) मा आज स्वतन्त्र विद्यार्थी युनियन (स्ववियु) निर्वाचन शान्तीपूर्ण तरिकाले भई रहेको छ । चैत ५ गतेका लागि तोकिएको निर्वाचन स्थगित भएपछि आज सहमतिले निर्वाचन हुन लागेको हो । आज बिहानदेखि नै सहज रूपमा मतदान सुरु भएको छ ।चैत ५ गतेका लागि तोकिएको स्ववियु निर्वाचनमा अन्तिममा आएर स्थगित भएको थियो ।
अखिल क्रान्तिकारीले चैत ४ गते राति होस्टेलमा फर्जी विद्यार्थी बसिरहेको आरोप लगाउँदै तालाबन्दी गरेको थियो । जसले गर्दा स्ववियु निर्वाचन स्थगित भएको थियो । तत्काल स्ववियु निर्वाचन गराउनुपर्ने माग राख्दै अनेरास्ववियुले अदालतमा मुद्दा दायर गरेको थियो ।
अदालतले निर्वाचनका बाँकी प्रक्रिया तत्काल अघि बढाउन आदेश जारी गरेको थियो । त्यसपछि बसेको सर्वदलीय बैठकले आज चैत १० गतेका स्ववियु निर्वाचनको मिति तोकेको थियो । त्यसैले आज नियमबद्व तरिकाले होहल्ला नगरिकन आफनो आफनो संगठनका साथीहरुले मतदान गर्ने अनुरोध गरेका छन् । केही कसैलाई केही आरोप प्रतिआरोप लाउने प्रयास नभई सहज तरिका बाट चुनाव भई रहेको छ । चुनाव बिहान ८ बजे देखि सुरु भएको थियो । उक्त चुनाव बेलुका ४ बजे सम्म हुने छ ।
