१० चैत काठमाडौँ । काठमाडौँ पिपलबोटमा रहेको अमृत साइन्स क्याम्पस (अस्कल)मा स्वतन्त्र विद्यार्थी युनियन ९स्ववियु० निर्वाचन सहज तरिकाले सम्पन्न भएको छ । चैत ५ गतेका लागि तोकिएको निर्वाचन स्थगित भएपछि निर्वाचन हुन लागेको हो। आज बिहानदेखि नै सहज रूपमा मतदान भएर सम्पन्न भएको छ ।
चैत ५ गतेका लागि तोकिएको स्ववियु निर्वाचनमा अन्तिममा आएर स्थगित भएको थियो। अखिल क्रान्तिकारीले चैत ४ गते राति होस्टेलमा फर्जी विद्यार्थी बसिरहेको आरोप लगाउँदै तालाबन्दी गरेको थियो। जसले गर्दा स्ववियु निर्वाचन स्थगित भएको थियो। तत्काल स्ववियु निर्वाचन गराउनुपर्ने माग राख्दै अनेरास्ववियुले अदालतमा मुद्दा दायर गरेको थियो। अदालतले निर्वाचनका बाँकी प्रक्रिया तत्काल अघि बढाउन आदेश जारी गरेको थियो।
त्यसपछि बसेको सर्वदलीय बैठकले चैत १० गतेका स्ववियु निर्वाचनको मिति तोकेको थियो।अस्कल क्याम्पसमा आज सम्पन्न भएको स्वतन्त्र बिधार्थी युनियन को निर्वाचनमा मतको १०० प्रतिशतमा ६८ प्रतिशत मत खसेको छ । जसमा १२९१ मत रहेको छ । मतगणना आजै सर्बदलिय बैठक बसि मतगणन सुरु गरिने छ । काठमाडौमा ठूला ठूला कयाम्पस मध्यमा उक धेरै विवाद हुने क्यामपसको रुपमा अमृत कयाम्पस पनि एक हो । तेही कारणले सुरक्षाकर्मीहरु पनि धेरे परिचालन गरिएको छ ।
