१२ चैत काठमाडौँ । गोरखाको गोरखा नगरपालिकामा मेयर कप फुटबल र उपमेयरकप महिला भलिबल प्रतियोगिता हुने भएको छ । नगपालिकाको ‘स्वास्थ्यको लागि खेलकुद, राष्ट्रको लागि खेलकुद’ भन्ने मुल नाराका साथ मेयर कप फुटबल दोस्रो संस्करण र उपमेयर कप महिला भलिबल प्रतियोगिता पहिलो संस्करण एकै दिन, एकै ठाउँमा हुन लागेको एक सूचना मार्फत नगरपालिकाले जनाएको छ ।
उक्त खेल यही चैत २१ गतेदेखि २५ गतेसम्म छेपेटारस्थित खेलमैदानमा नगरपालिका भित्रका १४ वटै वडाको सहभागिता प्रतियोगिता हुने नगरपालिकाका प्रमुख प्रशासकीय अधिकृत एकदेव खनालले बताए । सोही मितिदेखि प्रथम अन्तरपालिका उप–प्रमुख खुल्ला महिला भलिबल प्रतियोगिता सञ्चालनमा हुने भएको छ ।प्रतियोगितामा गोरखा जिल्ला भित्रका स्थानीय तहसहित अर्काे जिल्ला धादिङको निलकण्ठ नगरपालिकाको पनि सहभागिता रहने नगरपालिकाले बताए ।
नगरपालिकामा हुन लागेको दुवै खेलमा प्रथम हुने टिमले नगद पुरस्कार एक लाख एक हजार एक सय एघार (१,०१,१११) रुपैयाँ प्रप्ता गर्ने छन् । यसै गरि द्वितीय हुने टिमले नगद (५१ हजार १११ ) पुरस्कार पाउने छन् । तृतीय हुने टिमले नगद (३० हजार १११) नगद पुरस्कार प्राप्त गर्ने नगरपालिकाले जनाएको छ । यस्तै सान्तवना हुने टिमले १५ हजार १११ रुपैयाँ नगदको साथमा ट्रफी मेडल र प्रमाण–पत्र प्राप्त गर्नेछ ।
मेयर कप तर्फभने उत्कृष्ट खेलाडीले ५ हजार १११ नगदसहित ट्रफी, मेडल र प्रमाणपत्र प्राप्त गर्ने,उत्कृष्ट गोलरक्षक, गोलकर्ता र उत्कृट कोचलाई पनि जनही २ हजार १११ रुपैँया नगदसहित ट्रफी , मेडल र प्रमाणपत्र पाउने छन् । मेयर कपमा सहभागिता जनाउनका लागि नगरपालिकामा स्वयं उपस्थित भई वा नगरपालिकाको ईमेल ठेगानामार्फत टिम दर्ता गराउन सकिनेछ । उप–प्रमुख कपतर्फ भने टिम दर्ताको अन्तिम मिति चैत्र १८ गतेसम्म रहेको छ ।
