१३ चैत काठमाडोँ । आज नयाँबानेश्वरमा बसिएको प्रतिनिधिसभा बैठक विपक्षी दलले विरोध जनाएपछि भोलि बिहान ११ बजेसम्मको लागि बैठक स्थगित गरिएको छ ।
नेपाल सरकारले कुलमान घिसिङलाई बिना कारण बर्खास्त गरेकोले विपक्षी दलका सांसदहरुले विरोध जनाएपछि सभामुख घिमिरेले भोलि बिहान ११ बजेसम्मको लागि बैठक स्थगित भएको जानकारी दिए पछि स्थगित भएको हो ।
आज बिहान ११ बजे बोलाइएको बैठकमा पनि विपक्षी दलले विरोध जनाएपछि आधा घण्टाका लागि स्थगित भएको थियो ।
आधा घण्टा पछिको समयमा पनि बैठक सुरु गर्न नसकेपछि संघीय संसद्का महासचिव पद्मप्रसाद पाण्डेयले सूचना जारी गरी ३ बजेसम्मका लागि बैठक स्थगित गरिएको जानकारी दिएका थिए ।
नेपाल विद्युत प्राधिकरणको कार्यकारी निर्देशकबाट कुलमान घिसिङलाई हटाएको भन्दै विपक्षी दलहरू नेकपा माओवादी केन्द्र, राष्ट्रिय स्वतन्त्र पार्टी र राष्ट्रिय प्रजातन्त्र पार्टीले सदनमा विरोध जनाएका हुन्।
