२८ चैत काठमाडौँ । काभ्रेको रोशी गाउँपालिका वडा न ९ दाउनेमा यात्रुबाहक बस र हाईस ठोक्किँदा ११ जना घाइते भएका छन्।
आज बिहान काठमाडौंबाट रामेछापतर्फ गइरहेको यात्रुबाहक बसको पानी परिरहेको कारण ब्रेक फेल भएपछि विपरित दिशाबाट आइरहेको हाईससँग ठोक्किएर दुर्घटना भएको हो ।
ठोक्किएको बस अनियन्त्रित भई सडकबाट अन्दाजी २० मिटर तल खसेको प्रहरीले जनाएको छ।दुर्घटनामा बसमा सवार १५ जनामध्ये ११ जना घाइते भएका छन्।
घाइतेहरूलाई तत्काल उपचारका लागि नजिकैको प्राथमिक स्वास्थ्य केन्द्र, मंगलटार लागिएको छ । घटनाको जानकारी पाएलगत्तै ट्राफिक प्रहरीको टोली घटनास्थलमा पुगी उद्वार कार्य गरि रहेका छन् ।
हाल दुर्घटनामा संलग्न बस चालक प्रहरी नियन्त्रणमा रहेका छन्। घटनासम्बन्धी थप अनुसन्धान भई रहेको प्रहरीले बताए ।
