३ वैशाख काठमाडौँ । सीता एयरलाइन्सको विमान दुर्घटनाबाट जोगिएको छ । काठमाडौंबाट लुक्लाका लागि उडेको नौ एनएएचआर सीता एयरको विमानलाई लुक्लाको मौसम प्रतिकूलताका कारण फाप्लु विमानस्थलमा आकस्मिक अवतरण गराइएको थियो ।
आज बिहान करिब ८ बजे अवतरणका क्रममा विमानस्थलको भित्तामा ठोक्किएर विमानको पखेटा फुटेको तर अन्य क्षति नभएको जिल्ला प्रहरी कार्यालय सोलुखुम्बुले जनाएको छ ।विमानमा चालक दलका तीन सदस्यसहित १७ यात्रु सवार थिए ।
तीमध्ये १२ विदेशी रहेका थिए । यस घटना बारे अनुसन्धान भई रहेको छ । अहिले उक्त विमानमा रहेका सवार यात्रुहरु अर्काे विमान मार्फत गन्तव्य तर्फ लागेका छन् ।
