५ वैशाख काठमाडौँ । काभ्रेको रोशी गाउँपालिका वडा न -१० पाखाटोलका आगलागी हुँदा दुई जना बालबालिका घाइते भएका छन् । हिजो दिउँसो रोशी गाउँपालिका वडा न -१० पाखाटोलका कुमार रेग्मी मगरको घरमा लागेको आगलागी भएको हो ।
घटनामा रेग्मीकी ९ वर्षकी छोरी समीक्षा र ६ वर्षका छोरा सक्षम घाइते भएका हुन् ।बाबुआमा बारीमा काम गर्दै गर्न गएको बेला आगो बालेर ताप्ने क्रममा घरमा आगलागी भएको थियो ।
घाइतेहरुलाई तत्कालै उद्दार गरी उपचारको लागि अस्पतालमा पठाइएको इलाका प्रहरी कार्यालय मंगलटारका प्रमुख प्रहरी निरीक्षक कृष्ण गिरीले जानकारी दिए ।
उनीहरुको कीर्तिपुरमा रहेको बर्न अस्पतालमा उपचार भइरहेको छ ।आगलागी नियन्त्रणका लागि इलाका प्रहरी कार्यालय मंगलटार प्रहरी तथा स्थानियले निभाइका हुन् । उक्त घटनाको क्षेती बारे अनुसन्धान भई रहेको छ ।
