१७ वैशाख काठमाडौँ । उत्तरी गोरखा धार्चे गाउँपालिका वडा न ५ यमगाउँका ४७ बर्षीय दलबहादुर गुरुङ डेढ महिनादेखि सम्पर्कबिहिन भएका छन् । गत चैत ४ गतेदेखि परिबारसंग सम्पर्कबिहिन भएको उनका आफन्त साने गुरुङले जानकारी दिनु भयो । उनी घरबाट उपचार गर्न भनेर गोरखा बजार हिँडेको हो तर बजार पनि आइपुगेनन्, घरमा पनि नफर्केको हो ।
आज डेढ महिना भइसक्यो, कतै आफन्तको पनि पुगेका छैनन् । खोजी गरिदिन भनेर माछाखोला प्रहरीचौकीमा पनि खबर गरेका छौँ । गाउँलेहरुले नि खोजी गरिरहेका छन् ।
यसअघि पनि बेलाबेला सम्पर्कबिहिन हुने गरेको तर, यसपटक यति लामो समयसम्म बेपत्ता भएको उनले बताए ।
