२१ वैशाख काठमाडौँ । नारायणगढ–बुटवल सडक खण्डको दाउन्ने क्षेत्रमा वर्षाका कारण सडक चिप्लो हुँदा यातायात आवागमनमा अवरुद्ध भएको छ।
नारायणगढ–बुटवल सडक आयोजना पूर्वी खण्डमा सूचना अधिकारीका अनुसार दाउन्नेमा हिजोदेखि सडकमा जाम हुँदा सवारी आवागमनमा अवरुद्ध भएको हो। बर्दघाट र दुम्कीबासको बीचमा पर्ने १३ किलोमिटर सडक खण्डमा हिजो ३ बजेदेखि सवारी साधन जाममा परेको उनले जानकारी दिए।
हिजो ३ बजे पानी परेपछि सडक चिप्लो हुँदा गाडी जाम भएको हो । सडक सकेर अहिले बिस्तारै गाडी चले पनि जाम भने उतिकै भएको छ । बिहीबार भौतिक पूर्वाधार तथा यातायात मन्त्री देवेन्द्र दाहाल पनि चार घन्टासम्म जाममा परेका थिए।
