९ जेष्ठ काठमाडौँ । नेपाल पत्रकार महासंघ, काठमाडौं शाखाले काठमाडौं जिल्लाका सबै स्थानीय तहमा ज्ञापनपत्र बुझाएको छ । पत्रकार महासंघ काठमाडौं शाखाकी अध्यक्ष शोभा अर्यालका अनुसार काठमाडौं महानगरपालिका र १० नगरपालिका गरी सबै स्थानीय तहमा ज्ञापनपत्र बुझाइएको हो ।
जिल्लाका सबै स्थानीय तहमा सातबुँदे मागसहित ध्यानाकर्षणपत्र बुझाएको अर्यालको भनाइ छ ।मिडिया बचाउ अभियानु अन्तर्गत महासंघले आगामी नीतिहरू, कार्यक्रम र बजेटमा पत्रकारिता क्षेत्रको संरक्षण, प्रवर्द्धन तथा विकास सुनिश्चत गर्न आग्रह गरेको अर्यालको भनाइ छ ।शाखा अध्यक्ष अर्यालको नेतृत्वमा बुझाइएको ध्यानाकर्षणपत्रमा शाखामा आबद्ध पत्रकार, विशेषतः साना तथा स्वरोजगारमूलक मिडिया र उक्त मिडियामा संलग्न सञ्चारकर्मीहरूको हकहित सुनिश्चित गर्न माग गरिएको छ ।
पत्रकारको सुरक्षा, विकास र सशक्तीकरणका पक्षमा नीतिगत तथा व्यावहारिक पहल गर्न आग्रह गरिएकाे छ । महासंघका अनुसार काठमाडौं शाखामा हाल करिब ११ सय पत्रकार आबद्ध छन्, जसमा धेरैजसो साना लगानीका तथा स्वरोजगारमूलक मिडिया सञ्चालक तथा श्रमिकका रूपमा कार्यरत रहेको अर्यालको भनाइ छ ।
