१२ जेष्ठ काठमाडौँ । नेकपा माओवादी केन्द्रको भातृसंगठन योङ कम्युनिष्ट लिग वाइसीएल नेपालको गोरखाको तेस्रो जिल्ला अधिबेशन आज सम्पन्न भएको छ । उक्त अधिवेशनबाट अध्यक्षमा सुशिल गुरुङ सर्वसम्मत निर्वाचित भएका हुन् ।
आज बिहान गोरखा गोरखा नगरपालिकामा रहेको जिल्ला पार्टी कार्यालय पाटेचौरमा भएको अधिबेशनबाट अध्यक्षमा सुशिल गुरुङ, उपाध्यक्षमा एक बहादुर गुरुङ, सुवास तामाङ, र मीरा उपरकोटी निर्वाचि भएका छन् । जसमा सचिवमा अन्जन गुरुङ,कोषाध्यक्षमा ईश्वर मूडबरी, सहसचिवमा रबिन सिखडा , सन्चबहादुर राना, सरोज तमाङ र मोहन गुरुङ निर्वाचित भएका छन् ।
अघिबेशनको नेकपा माओवादी केन्द्रका केन्द्रीय सदस्य एवं गण्डकी प्रदेशका पूर्व सहइन्चार्ज हरिराज अधिकारीले एक कार्यक्रमका बिच उद्घाटन गर्नुभएको हो । अधिबेशनको उद्घाटन कार्यक्रममा वाइसिएल गोरखाका संयोजक सागर श्रेष्ठको अध्यक्षतामा सम्पन्न अधिवेशनमा,गोरखाका जिल्ला इन्चार्ज अमर तमु, केन्द्रीय सदस्य परशुराम रम्तेल, कमला नहर्कीलगायतको सहभागिता रहेको थियो ।
