४ असार काठमाडौँ । आईफोन १७ सिरिज औपचारिक घोषणा नजिकिँदै छ । सेप्टेम्बर महिनामा सार्वजनिक हुने अनुमान गरिएको यस सिरिजबारे प्रविधिप्रेमीमा उत्सुकता देखिएको छ ।
नयाँ आईफोनका सबै मोडेलको विषयमा ब्याट्री क्षमतामाथि प्रश्न उठिरहेका छन् । विशेषगरी आईफोन १७ एयर मोडेलको पातलो डिजाइनका कारण ब्याट्री साइज सानो हुने आशंका गरिएको छ ।
अहिलेका आईफोनहरूमा प्रयोग हुने लिथियम(आयन ब्याट्रीहरू पातलो डिजाइनमा उपयुक्त नपर्ने भएकाले यसपटक सिलिकन(एनोड ब्याट्री प्रयोग हुने एप्पल इन्साइडरले खुलासा गरेको छ ।
यसले ब्याट्री चार्जको गति पनि बढाउने विश्लेषण छ ।प्राविधिक विश्लेषणसम्बन्धी वेबसाइट नाइन टु म्याकका अनुसार आईफोन १७ प्रो म्याक्समा आईफोन १६ प्रो म्याक्सको भन्दा थोरै ठुलो ब्याट्री हुनेछ । नयाँ आईफोनसँगै आईओएस २६ अपडेट पाउने पुराना मोडेलहरूमा पनि यो सुविधा उपलब्ध गराइनेछ ।
