१३ असार काठमाडौँ । काठमाडौ महानगरपालिकाको पुरानो बसपार्कमा बन्दै गरेको काठमाडौँ भ्यू टावर’ का ठेकेदार मनोज भेटवाल आज पक्राउ परेका छन् ।
आज बिहान अनामनगरबाट पक्राउ गरिएको जिल्ला प्रहरी परिसर काठमाडौँका एकजना अधिकृतले जानकारी दिए । इनोभेटिभ कन्सेप्ट प्रालिका सञ्चालक भेटवाल विरुद्ध अहिले जिल्ला प्रहरी परिसर काठमाडौँमा १० करोडको बैङ्किङ कसुरको जाहेरी दर्ता भएको छ । सो मुद्दाको जाहेरी अनुसार प्रहरीले उनलाई खोजतलास गरि पक्राउ गरेको हो ।
भेटवाल यसअघि पनि चेक बाउन्स र रोयल मर्चेन्ट बैंकिङ एन्ड फाइनान्स लिमिटेड घोटाला मुद्दामा पक्राउ परेका थिए । उक्त घटना बारे अनुसन्धानको लागि पक्राउ गरिएको हो ।
