१५ असार काठमाडौँ । काठमाडौं जिल्ला अदालतबाट भागेका थुनुवा पक्राउ परेका छन्।आइतबार बिहान पौने ११ बजे जिल्ला अदालत काठमाडौंबाट २१ वर्षीय निराजन ठकुरी भन्ने दशरथ शाही भागेका थिए।उनलाई प्रहरीले साँझ ५ बजेतिर गोंगबु बसपार्कमा रहेको मल क्षेत्रबाट पक्राउ गरेको थियो । फरार भएका शाही हतकडीसहित पक्राउ परेका हुन् ।
रूकुम पश्चिम घर भई गोंगबु बस्ने शाहीलाई प्रहरी वृत्त सोह्रखुट्टेले जेठ २० गते पक्राउ गरेको थियो।चोरी मुद्दामा अनुसन्धान सकेर उनलाई थुनछेकका लागि अदालतमा लगिएको थियो। भित्र हतकडी लगाउन पाइँदैन थियो ।
तर पिसाब लाग्यो भनेपछि शौचालय लगिएको थियो। त्यसपछि झ्यालबाट हतकडीसहित हामफालेर भागेका हुन्। झ्यालबाट हामफालेपछि उनले लगाइरहेको ज्याकेट फुकालेर हतकडी लुकाएका थिए।त्यसपछि एउटा राइड शेयरिङका राइडरलाई बसपार्क पुराइ दिनु भनेका हुन् ।
