१६ असार काठमाडौँ । गोरखाको एक विद्यालयमा यस बर्षको एसईई परिक्षाको नतिजा शून्य आएको छ । आरुघाट गाउँपालिकामा रहेको एक सामुदायिक विद्यालयमा यो बर्ष एसईई परिक्षामा एक जना पनि पास नभए पछि त्यहाँका अभिभावकहरुले विद्यालयको मुल ढोकामा तालाबन्दी गरेका छन् ।
उनीहरुले एसईईको नतिजा प्रकाशन भएको भोली पल्टा तालाबन्दी गरेका हुन् ।तालाबन्दी पछी आज सोमबार विद्यालय र अभिभावकहरु बिच छलफल भइ रहेको छ । उनीहरु बिच बिहानैदेखी छलफल चलिरहेको र निष्कष ननिस्केमा दिउसो ११ बजे पालिकामा छलफल हुने गाउँपालिकाका शिक्षाा, युवा तथ खेलकुद शाखा प्रमुख करुणा पनेरुले बताउनु भयो । आरुघाट गाउँपालिका १० को आरुचनौटे क्षेत्रमा रहेको सिद्धदेवी माविमा पढ्ने १० जना विद्यार्थीको यस पटक एसईई दिएकोमा नतिजा शून्य आएपछि अभिभावकले विद्यालयमा तालाबन्दी गरेका हुन् ।
अभिभावकले विद्यालय प्रशासनको कामप्रति असन्तुष्टि जनाउँदै प्रधानाध्यापकको राजीनामा समेत मागेका थिए । प्रधानाध्यापकको राजीनामा माग गर्दे अभिभावकले औपचारिक रूपमा ज्ञापनपत्र समेत बुझाएका थिए ।यसै सन्दर्भलाई लिएर आज बिहान ७ बजेदेखी अभिभावक र विद्यालय बिच छलफल चलिरहेको छ । छलफलबाट निष्कर्ष निस्किएन भने दिउसो पालिकामा नै छलफलको आयोजना गरीएको हो ।
