४ साउन काठमाडौँ । लमहीमा गाडी ब्याक हुदा किचेर एक जनाको मृत्यु भएको छ । उक्त घटनामा मृत्यु हुनेमा लमही नगरपालिका वडा न –५ सुनखोलीका २१ वर्षीय राजेशकुमार बानियाँको आज विहान मृत्यु भएको जिल्ला प्रहरी कार्यालयले जनाए ।
आफ्नै घर अगाडि रोकिराखिएको लु ३ च ४८१४ नम्बरको पिकअप बोलेरोको टायरमा राखिएको टेको हटाउने क्रममा गाडी ‘ब्याक’ हुँदै आफैँ गुड्न थालेपछि गाडीले किच्दा बानियाँ गम्भीर घाइते भएका थिए ।
तत्काल लमही अस्पताल पुर्याए पनि उपचारका क्रममा चिकित्सकले मृत घोषणा गरेका थिए । घटना बारे थप जानकारी आउन बाकी छ ।
