२८ साउन काठमाडौँ । हिजो बसेको मन्त्रिपरिषद् बैठकले थप दुई जना प्रमुख जिल्ला अधिकारसहित गृह मन्त्रालयका चार सहसचिवको सरुवा गरेको छ।
निर्णयअनुसार जिल्ला प्रशासन कार्यालय ललितपुरका रमेश ढकाललाई मुख्यमन्त्री तथा मन्त्रिपरिषद्को कार्यालय, गण्डकी प्रदेशमा र जिल्ला प्रशासन कार्यालय भक्तपुरका प्रजिअ भरतमणि पाण्डेलाई अर्थ मन्त्रालयमा सरुवा गरिएको छ।
गृह मन्त्रालयका सहसचिव लालबाबु कवारीलाई मुख्यमन्त्री तथा मन्त्रिपरिषद्को कार्यालय, मधेश प्रदेशमा र कारागार व्यवस्थापन विभागका महानिर्देशक एवं सहसचिव नारायण प्रसाद भट्टराईलाई निर्वाचन आयोगमा सरुवा गरिएको छ।
यसअघि आजै गृह मन्त्रालयले कैलाली र दाङका प्रमुख जिल्ला अधिकारीको पनि जिम्मेवारी हेरफेर गरेको थियो।
