५ भदौ काठमाडौँ । नेपालगन्जको भेरी अस्पतालको प्रशासनले अस्पताल फार्मेसीका दुई जना कर्मचारीलाई तत्कालका लागि निलम्बन गरेको छ ।
बीमामा आबद्ध भएका एक जना बिरामीलाई औषधी फिर्ता गरेर सो बापतको रकम नगदमा फिर्ता गरेको पाइएपछि दुई जना कर्मचारीलाई तत्कालका लागि निलम्बन गरेर स्पष्टीकरण सोधिएको अस्पतालका प्रमुख मेडिकल सुपरिन्टेन्डेन्ट डा. नीराजन सुवेदीले बताएका छन् ।
एक जनालाई शुक्रबार र अर्कोलाई मंगलबार निलम्बन गरिएको उनले बताए ।उनीहरूमाथि आन्तरिक अनुसन्धान भइरहेको पनि अस्पताल प्रमुख डा. सुवेदीले बताए ।
