२८ असोज काठमाडौँ । गोरखाको बारपाक सुलिकोट गाउँपालिकाले दुई दिने राष्ट्रिय परिचयपत्र शिविर सञ्चालन गरेको छ । पालिकाले छुटेकाहरुका लागि दोस्रो चरणमा स्थानीय गाउँमै राष्ट्रिय परिचयपत्र बनाउने कार्यक्रम सञ्चालन गरेको पालिका कार्यपालिका सदस्या तथा पालिका प्रवक्ता जित बहादुर नेपालीले बताए ।
गाउँपालिकाको वडा नं १ र २ मा पर्ने बारपाक गाउँमा आज असोज २८ र २९ गते गरी दुई दिनसम्म शिविर सञ्चालन हुने गाउँपालिकाले जनाएको छ। आजबाट सुरु गरिएको उक्त शिविरमा स्थानीयवासीले घरदैलोमै पुगेर राष्ट्रिय परिचयपत्र बनाउन सक्ने भएका छन्।
गाउँपालिकाले गाउँमै सेवा पु¥याउने उद्देश्यले दोस्रो चरणको परिचयपत्र कार्यक्रम सञ्चालन गरिएको गाउपालिकाका प्रमुख प्रशासकीय अधिकृत सुवास आलेले बताउनु भयो । स्थानीयहरूले यस अभियानले समय र खर्च दुबै बचत हुने बताएका छन् भने गाउँपालिकाले सबै नागरिकलाई शिविरमा उपस्थित भई आफ्नो विवरण अद्यावधिक गर्न आग्रह समेत गरेको छ।
