३१ जेठ काठमाडौ । नेपाल सुनचाँदी व्यवसायी महासंघका अनुसार आज छापावाल सुन प्रतितोला एक लाख ११ हजार ८०० रुपैयाँमा र तेजाबी सुन प्रतितोला एक लाख ११ हजार २५० रुपैयाँमा कारोबार भइरहेको छ । सरकारले सुनचाँदीको कारोबारमा लगाउने भनिएको २ प्रतिशत विलासिता कर नलगाउने भएसँगै सुनकाे मूल्यमा गिरावट देखिएकाे हाे ।
मंगलबार सिंहदरवारमा अर्थमन्त्री डा. प्रकाशशरण महत र सुनचाँदी व्यवसायीबीच भएकाे भेटवार्तामा सुनचाँदीको कारोबारमा विलासिता कर लगाउने मनसाय सरकारको नभएको उनले बताएका थिए । सुन तोलामा ३०० रुपैयाँले बढेर प्रतितोला एक लाख १२ हजार ७०० रुपैयाँ पुगेको थियो ।चाँदीको मूल्य पनि आज ओराालो लागेको छ । यस दिन चाँदी तोलामा २५ रुपैयाँले सस्तिदा प्रतितोला एक हजार २२५ रुपैयाँमा खरिदबिक्री भइरहेको महासंघले जनाएको छ ।
