६ असार काठमाडौ ।देशकाे सार्वजनिक ऋण २१ खर्ब ७३ अर्ब २४ करोड रुपैयाँ पुगेको छ। सार्वजनिक ऋण व्यवस्थापन केन्द्रका अनुसार यो वर्ष थपिएको तीन खर्ब ऋणसहित तिर्न बाँकी सार्वजनिक ऋण २१ खर्ब ७३ अर्ब रुपैयाँभन्दा धेरै पुगेको हो।तिर्न बाँकी सार्वजनिक ऋणमध्ये दस खर्ब ९९ अर्ब ७२ करोड रुपैयाँ आन्तरिक ऋण मुलुकभित्रका बैंक तथा वित्तीय संस्था तथा सर्वसाधारणबाट उठाइएको छ।
जेठ महिनामा मात्रै ४३ अर्ब ८३ करोड रुपैयाँ सार्वजनिक ऋण थपिएको छ। जसमा ४० अर्ब ६८ करोड आन्तरिक र तीन अर्ब १४ करोड रुपैयाँ मात्रै बाह्य ऋण उठाइएको छ।गत साउनदेखि जेठसम्ममा तीन खर्ब रुपैयाँभन्दा बढी ऋण थपिएको छ। जसमा दुई खर्ब २० अर्ब ३८ करोड आन्तरिक ऋण उठाइएको छ भने ७९ अर्ब ६७ करोड रुपैयाँ मात्रै बाह्य ऋण उठाइएको छ।
