५ जेठ काठमाडौं । सिटी होटल लिमिटेडले सर्वसाधारणको निष्काशन गरेको शेयर बाँडफाँट भएको छ । कम्पनीको शेयर शुक्रबार बिहान ह्यात प्लेस, तहाचाल काठमाडौंमा बाँडफाँट भएको हो ।कम्पनीको आईपीओमा १० लाख ९२ हजार ६६७ आवेदकबाट एक अर्ब १८ करोड ९५ लाख ३७ हजार रुपैयाँ बराबरको १ करोड १८ लाख ९५ हजार ३७० कित्ता शेयरको लागि आवेदन परेको थियो ।
कम्पनीको शेयरमा माग भन्दा बढी आवेदन परेकोले धितोपत्र निष्काशन तथा बाँडफाँट निर्देशिका अनुसार गोलाप्रथा माध्यमद्धारा न्युनतम १० कित्ताको दरले शेयर वितरण भएको छ । १ लाख ३५ हजार ५९४ जना योग्य आवेदकले १० कित्ताका दरले शेयर पाएका छन् ।
