११ जेठ काठमाडौं । बिहीबार सुनको भाउ सस्तिएको छ । सुन तोलामा एक हजार रुपैयाँले सस्तिएको हो । चाँदीको भाउ पनि यस दिन ओरालो लागेको छ । नेपाल सुनचाँदी व्यवसायी महासंघका अनुसार आज छापावाल सुन प्रतितोला एक लाख ८ हजार ८०० रुपैयाँमा झरेको छ ।
तेजाबी सुन प्रतितोला एक लाख ८ हजार ३०० रुपैयाँमा कारोबार भइहरेको छ ।चाँदीको भाउ निरन्तर चार दिनदेखि घटेको छ । आज चाँदी तोलामा १० रुपैयाँले सस्तिदा प्रतितोला एक हजार ३५० रुपैयाँमा खरिदबिक्री हुँदैछ ।अघिल्लो कारोबार दिन पनि चाँदी पाँच रुपैयाँले सस्तिएर प्रतितोला एक हजार ३६० रुपैयाँमा कारोबार भएको थियो ।
